طموح كانت طموحاتي سحاب = تمطر وتسقي أرضها
وياللأسف صارت سراب = نعطش ولا نوصل لها
عـجـز عجزت أكتب عجزت أرسم وأصور كل مافيني = عجزت أظهر احاسيسي وأعبر عن مدى الحرمان
عجزت أتحمل الآهات وأخلي ألهم طاويني = عجزت أقول ياعالم ترى أتعبني الكتمان
حقيقه ودي أكتبها وأطفي نار تكويني = وأسافر في عروق الحرف وأنقشها على الصمان
عيديه عاد عيدك ياوفي ما حصلك = مانت في الدنيا ودنياك التياع
آآه واحزني على باقي هلك = يوم راح الوقت من بعدك ضياع
وآه واحزني على من ودعك = ودعك وأقفى وكان آخر وداع
رحيل حاولي تكفين إنك ترحلين = عن عيون اللي تعذب ما غفى
حاولي تخفين حبك والحنين = وإن قدرتي حاولي البُعد بخفى
حاولي تنسين ها الوجه الحزين = وإزرعي البسمه على أحلى شفى
وأنكريني من حياتك والسنين = واتركيني وأذكري الحب وكفى
ميعــاد يموت الحرف في عيني وأنا مثله اموت عناد=لجل اخفي معاناتي ولا ادري وش يسليني
هربت ولا هرب حرفك وجا قافك على الميعاد=على القاف القوي الله يقويك ويقويني
وأنا لي في ضروف الوقت ميعادٍ مع الجلاد=ولي موعد مع الذكرى واحزانٍ تبكيني
إحتلال نحزن على لبنان وإلا على القدس=وإلا على ارض العراق وشعبها
ننثر مشاعرنا ويبقى بها حـدس=والنار شبت والصدور احرقتهـا
عمّق باأكتب وإحساسي عميقه معانيه=بين السطور اقرأ معاني شعورك
وش يمنع الشاعر يهيم بمحانيه=يكتب حروف وتحسبه من عطورك
حُـزنْ باكر إذا مات الأمل داخل إنسان=يلف جو الحـزن فينـي دوايـر
وإذا تلاشى الحزن أو كان ماكان=نشوف بعض النور في قلب حاير
إحسـاس نحتاج في بعض المعاني مسافات=مابين إحساس القلم والمشاعر
وتجتاحنا كل الجروح المخيفات=لا صار في دمع القلم بوح شاعر
إنتهاء تكذب حروفي إذا قلت انتهى نزفي=نزف المشاعر عميق وصعب نوصله
نحتاج لإحساس اعمق فوق مايكفي=يمكن نحس بمشاعر أرض محتله
وجاني اصدق اصحابي
كتابي والقلم والليل
وشيئٍ كنت أحبه حيل
02-08-2007, 06:15 AM 
العرض العادي
