مـحـاوره عـامـه للجميع شاركونااااا - الصفحة 2

**صالح الخزمري** · 17-11-2007, 11:36 PM

يقول الهمس مرينا وشفنا مالفنون الوان=وقلنا نشرب القهوه ونعرف وين عنوانه
فهد جيناك نتسابق حروفي تسبق القيفان=وبن محفوظ قولوا له يجي يكتب لضيفانه

**فهد بن محفوظ** · 18-11-2007, 03:20 AM

السلام عليكم ...

الهمس

يا مرحبا ومسهلا

انت ضيفي وضيف هدوء ولا يهمك

استلم :

هلا بالضيف لى منه لفى من ديرة الخلان = نبي ننشد عن احواله وعن وضعية اخوانه
إذا ماله أمر يفصح عن احساسه ترى شفقان = سماع احلا قصايده وعسى يصح الله لسانه

**صالح الخزمري** · 18-11-2007, 03:32 AM

ترانا نقصد الديره ونعرف هقوة الهقوان=ولاخيبت ظن الي تهقووا فيه عربانه
ترى جيناك يالغالي ونعرف شيمة العربان=سمعنا عن كرم محفوظ من الي حول جيرانه

**فهد بن محفوظ** · 18-11-2007, 03:39 AM

السلام عليكم ..

مرحبا الف

تعال انت بتسجل لي قصايد أو أنا غلطان = وتراها قرش ينطح قرش غالي وسط ميزانه
وانا اخبر كل ما قالوا لنا تاجر صبي زهران = تباشرنا فتحنا ابوابنا له والفرح دانه

**وصفي الصبرات** · 19-11-2007, 02:14 PM

هلا ياهل الشعر والفن والابداع والاتقان=تشرفت بوجودي بينك والروح ولهانه
ابي انزف الى حد الثماله اقصد الادمان=وابي ياسيف تعذرني ترى الابيات نشوانه
خذوا من ماردٍ نزفه يشابه ثورة البركان=وصل نزف المشاعر واتعب احروفه على شانه

**علي المنهبي** · 19-11-2007, 08:05 PM

السلام عليكم ورحمة الله وبركاته
*
*
تقبلوا خالص تحياتي
*
*

انا لاجيت بكتب بيت شعر احس في قلبي فرح واحزان=فرح من شان بيت الشعر واحزاني على اتقانه
احب اكتب شعر واسير انا واهل السجال اخوان=اذاقالو قصيده انطرب كلي لهاوالشعر ياحبي لقيفانه

فٍـَهّـٍدَ الٍـدّوَسٍَـيٌ · 02-12-2007, 11:15 PM

مرحباً مليوووووووووووون
صح لسانك شاعرنا المبدع وصفي
وصح لسان أخوي العاصف
وصح لسان الهمس وبن محفوظ
ولا ننسى الغالي سيف وقلم
نواصل معكم ولكم كل الشكر

بحور الشعر لو زانت يزين الشعر والأوزان = وأنا يطربني الشاعر إذا هي زانت أوزانه
أشوف الحرف له معنى وللقاف القوي بستان = يمتع ناظري شوفه واصير امشي ببستانه
نبي نعزف مشاعرنا على صدر الورق الحان = ونذهل كل من يعرف حروف الشعر والحانه

**حمد العبدلي** · 13-12-2007, 08:50 AM

دخلــت ولاطرقـت الباب وشيطاان الشعر شيطااان=وانا من دونها سقـت الفريـده بوســط ميــدانـــــه
ثمر مايزرع الفلاح حصيلــه وانت وش لك هــــان ؟=مادام الشعــر سلطان الجزالــه ويل من هـــانــــه

**سيف وقلـم** · 02-01-2008, 04:01 AM

الا يامرحبا باللي يقود الشعر بالاوزان= ويسقي حرفها الظامي بجزلاته وقيفانه
تفضل اروني من فيض حرفك واسعد الوجدان = وخل اللي يجارينا يجيب الجزل باللوانه

**ضيف نزف** · 14-01-2008, 10:25 PM

السلام عليكم ورحمة الله وبركاته..

سلام الله على نزف المشاعر من صفا الوجدان
ســـــــلامً ربعته البــــــدو والراعـــي وبرانه
اسلم والخفا به شي مـا يخفى على السلطان
فتحت ابواب في ذا المنتدى وابواب خفيــانه

فٍـَهّـٍدَ الٍـدّوَسٍَـيٌ · 15-01-2008, 01:36 AM

هلا ياضيفنا النازف هلا بك في سما الوجدان = تجي لنزف او تدبر دفى والناس بردانه
عزيز بطلتك شاعر ولك بالموجزه عنوان = وبالطولات لك مده بحور الشعر وأوزانه

**ضيف نزف** · 15-01-2008, 08:44 PM

بقاك الله وانــــا ضيفك وضيفك شرف الميدان
حضر قدرك وفـــي قدرك سبق موجزه ميذانه
وانا بارد وانا دافي وانـا شاعر وانا ولولهان
لصفقــات البحور وشعــــر بن محفوظ واخوانه

فٍـَهّـٍدَ الٍـدّوَسٍَـيٌ · 23-01-2008, 03:04 AM

على طاري البقا ياضيف وش باقي من الأخوان=ابد ماشفت في الدنيا أخو يستنزف أخوانه
إذا معنى الأخوه صار مثل الصاحب الخوّان= خلاص أنسى وأنا بنسى وكلٍ يحفظ لسانه

**روح الجروح** · 24-01-2008, 07:17 AM

/

\

عجيب الحرف لآ مني طلبتـه أكتبـه مآ لآنـ
يحآول يبتعد عنـي ويهـرب عن هـوى الدآنــه

وإذآ منـي بغيتـ أرقـد يجيني ينهمـر بجنآنـ
أحـآولـ أنســى لكـنـه !! يصحـي عيون نعسآنـه

أقـومـ أكتبـ وبعدهآ أكتب وإلى مني شعرته زآن
أعيد أقرآهآ وأتفآجأ بأنـي حيلـ حزنــآنـه

/

\

**فــهـــد النصـــار** · 07-02-2008, 12:32 PM

ابستأذنك انا يالسيف ابدخل معكم الميدان=جزيل الشعر انا ضيعت ادور زين قيفــــانه
سقى الله فرحتي راحت نهاية عشر من شعبان=بدى من عقبها همي اعيش اليوم واحزانه

سجل لمشاهدة الروابط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

يتصفح الموضوع حالياً : 1 (0 عضو و 1 ضيف)